Revelasion 12 KreyolAyisyen
🔊 Revelasion 12
KreyolAyisyen
0:00
0:00
- 1 Epi yon gwo mèvèy parèt nan syèl la: yon fanm te abiye ak solèy la, lalin nan te anba pye l, ak yon kouwòn douz zetwal sou tèt li.
- 2 Li te ansent, li t'ap rele, li t'ap soufri anpil pou akouche.
- 3 Epi yon lòt mèvèy te parèt nan syèl la; li te wè yon gwo dragon wouj, li te gen sèt tèt ak dis kòn, ak sèt kouwòn sou tèt li yo.
- 4 Ke l' te rale yon tyè nan zetwal ki nan syèl la, li voye yo sou latè. Dragon an te kanpe devan fanm ki te prèt pou akouche a, pou l' te devore pitit la kou l' fèt.
- 5 Li fè yon pitit gason ki gen pou gouvènen tout nasyon yo ak yon baton fè. Yo pran pitit la, yo mennen l' bò kot Bondye, bò kot twòn li an.
- 6 Fanm lan menm te kouri ale nan dezè a, kote Bondye te prepare yon plas pou yo te ba l manje pandan mil desanswasant jou.
- 7 Epi te gen yon lagè nan syèl la: Michèl ak zanj li yo te goumen ak dragon an; dragon an menm te goumen ak zanj li yo,
- 8 Epi yo pa t genyen; yo pa t jwenn plas yo nan syèl la ankò.
- 9 Yo te voye gwo dragon an jete deyò. Se li menm, sèpan ki la depi lontan an, yo rele dyab la osinon Satan, k'ap twonpe tout moun. Yo te voye l' jete sou latè ansanm ak tout zanj li yo.
- 10 Epi mwen tande yon gwo vwa nan syèl la ki t'ap di: Kounye a delivrans lan rive, kounye a li fè tout pouvwa Bondye nou an, epi li ba li pouvwa Kris li a. Paske, yo mete akizatè frè nou yo atè. Moun ki t'ap akize yo devan Bondye nou an lajounen kou lannwit.
- 11 Epi yo te genyen batay la grasa san Ti Mouton an ak pawòl temwayaj yo a; yo pa t renmen lavi yo jouktan yo mouri.
- 12 Se poutèt sa, nou menm syèl la ak tout moun ki rete nan syèl la, rejwi. Malè pou moun ki rete sou tè a ak sou lanmè a! Paske dyab la desann vin jwenn nou. Li gen yon gwo kòlè, paske li konnen li pa gen anpil tan.
- 13 Lè dragon an wè yo te jete l' sou latè, li pèsekite fanm ki te fè pitit gason an.
- 14 Yo bay fanm lan de gwo zèl èg, pou l te ka vole nan dezè a, nan plas li, kote l te jwenn manje pou yon tan, plizyè tan, ak mwatye yon tan, byen lwen sèpan an.
- 15 Epi sèpan an voye dlo soti nan bouch li tankou yon larivyè dèyè fanm lan, pou l te ka pote l ale nan dlo a.
- 16 Latè a te ede fanm lan, li louvri bouch li, li vale tout dlo dragon an te voye soti nan bouch li a.
- 17 Dragon an te fache anpil kont fanm lan, epi li al fè lagè ak rès desandan fanm lan, moun k ap obeyi kòmandman Bondye yo, epi ki gen temwayaj Jezikri a.